რა არის პოპ კულტურა

 

მოკლედ დღეს მინდა ისეთ თემაზე გესაუბროთ, რომელიც არც კი ვიცი საიდან დავიწყო. ის იმდენამდ ყოვლისმომცველია და იმდენად ბუნებრივი და ყოველდღიურია ყოველი ჩვენთაგანისთვის, რომ ასე ერთბაშად მისი განმარტება ძალიან რთული იქნება.

 

 ეს არის პოპ კულტურა.

 

პოპ კულტურა იგივე პოპულარული კულტურა იგივე მასობრივი კულტურა (ეს ბოლო რაღაც “ისეთი” ტერმინია, არა?) წერტილის განმარტებას გავს. ყველამ ვიცით რა არის, მაგრამ რას ნიშნავს და როგორ განვმარტოთ- მგონი არავინ.

 

მოდით პოპ კულტურას ცოტა მეცნიერულ-ფილოსოფიურ-ეგზისტენციალური კუთხით შევხედოთ. მოემზადეთ:

 

პოპ კულტურა არის საზოგადოებაში გავრცელებული იდეების, პრაქტიკის, შეხედულებების და ობიექტების (ნივთების) ერთობლიობა დროის მოცემულ მონაკვეთში (აბა რა!).  მასზე საკმაოდ დიდ გავლენას ახდენს პრესა და მედია კინოების, მულტფილმების, ჟურნალების, გადაცემების, სერიალების მეშვეობით. პოპ კულტურის მაგალითს წარმოადგენს ჰარი პოტერი და მისი ჯადოსნური სამყარო (www.harrypotter.ge),  სხვაგასხვა სუპერგმირები: სუპერმენი, ბეტმენი, კაპიტანი ამერიკა, სპაიდერმენი, რკინის კაცი, (www.superheroes.ge) და ტრილიონი სხვ(ა).

 

რეალურად პოპ კულტურა ყოველთვის არსებობდა. ადამიანის კულტურული მემკვიდრეობა, უხეშად, შეგვიძლია 2 ნაწილად დავყოთ. ეს არის მაღალი კულტურა (High Culture), რომელიც მოიცავს რენესანსის, ბაროკოს, როკოკოს და სხვა ეპოქების ფერწერულ შედევრებს, ქანდაკებებს, ოპერას, ბალეტს, მუსიკას და ხელოვნების სხვა მიმართულებებს. როკოკოს ეპოქის აქეთ ხელოვნებაში შემოდის პოპ კულტურის ელემენტები. იგი თავისი სისადავით იგრძნობა არქიტექტურაში, სადაც აღარ გვხვდება ბაროკო-როკოკოსთვის დამახასიათებელი ორნამენტები და გადამეტებული დეკორი. 

 

პოპ კულტურის უფრო ზუსტი კლასიფიკაცია და მისი მკაფიოდ გამიჯვნა “შემაღლებული” კულტურისაგან საბოლოოდ მოხდა II მსოფლიო ომის დამთავრების შემდეგ. თანამედროვე მედიის ინოვაციურმა განვითარებამ და მასობრივი კომუნიკაციის საშუალებების გავრცელებამ განაპირობა პოპ კულტურის მასობრივ კულტურად გადაქცევა. ამ ყველაფრის ნიადაგი კი მასობრივი წარმოების ხარჯზე ინდუსტრიულმა რევოლუციამ მოამზადა თითქმის ერთი საუკუნით ადრე.

 

პოპ კულტურა მუდმივად ევოლუციას განიცდის. იგი ერგება დროსა და ხალხს.

 

აქ მგონი ჯობია გავჩერდე. 

შეიძლება ცოტა მეტიც კი მომივიდა, მაგრამ ეს პოსტი ნამდვილად აუცილებელი იყო. ეს ისტორიის გაკვეთილივითაა. თუ პირველი თავია არ იცი, მეორეს ვერ გაიგებ.

 

გპირდებით, ასეთ მოსაწყენ პოსტებს მეტს აღარ დავწერ!

დასტოვეთ კომენტარი

თქვენი კომენტარი გამოჩნდება დაწერიდან რამდენიმე წუთში