ზოგიერთი არაჯადოქარ ადამიანს ჰგონია, რომ ლონდონში ყველაზე ძველი ბარი არის “თეთრი ირემი”, ზოგი ამბობს , რომ ეს არის “ანგელოზი” ან “კრავი და დროშა” ვარდების ქუჩაზე. ყველა ეს ადამიანი, ვინც ამას ფიქრობს, მაგლია და ყველა ცდება. ლონდონის ყველაზე ძველი ბარი, როგორც ნებისმიერი ჯადოქარი გეტყვით, არის “გახვრეტილი კარდალა”.
პოპულარული ბარი “გახვრეტილი კარდალა” დეიზი დოდრიჯმა ააშენა 1500-იანი წლების დასაწყისში. ადგილი, სადაც “გახვრეტილი კარდალა” მდებარეობს ერთმანეთთან აკავშირებს ჯადოქრულ და არაჯადოქრულ (მაგლურ) სამყაროებს.
დღეს, მაგლმა გახვრეტილ კარდალას რომ ჩაუაროს, პაბის ნაცვლად, მიტოვებულ და სანახევროდ დანგრეულ მაღაზიას დაინახავს. მაგრამ ეს ყოველთვის ასე არ ყოფილა. 1692 წლამდე, მაგლებს თავისუფლად შეეძლოთ გახვრეტილ კარდალაში შესვლა და არც არავინ გააბრუნებდა მათ უკან. მათთვის, გახვრეტილი კარდალა ჩვეულებრივი პაბი იქნებოდა, ყოველგვარი ჯადოქრული ელემენტების გარეშე, მაგრამ, 1692 წელს, მაგიის საერთაშორისო კონგრესმა დაამტკიცა “ჯადოქრების საიდუმლოების საერთაშორისო დებულება” და შესაბამისად, პაბის მმართველს პაბის მაგლებისთვის დაფარვა მოუწია. იყო დებატები, რომ ვინაიდან გახვრეტილი კარდალა მაგლურ და მაგურ სამყაროების შორის მდებარეობდა, იგი საერთოდ უნდა დახურულიყო, რათა გზააბნეული მაგლი შემთხვევით ჯადოსნურ სამყაროში არ მოხვედრილიყო. მიუხედავად ამ რისკებისა, მაგიის მინისტრმა ულიკ გემპმა დაუშვა გამონაკლისი და გადაწვიტა, რომ გახვრეტილმა კარდალამ, როგორც ჯადოქრებისთვის თავისუფალმა და მშვიდმა ნავსაყუდელმა, არსებობა მაინც უნდა განაგრძოს.
საუკუნეების განმავლობაში “გახვრეტილი კარდალას” ინტერიერი მცირედით იცვლებოდა. იგი დღემდე მოვიდა, როგორც პატარა, წყნარი, ჩაბნელებული, სტუმართმოყვარე პაბი. მას აქვს საკმაოდ მყუდრო გასაქირავებელი ოთახებიც, სადაც ლონდონიდან შორს მცხოვრებ ჯადოქრებს შეუძლიათ ღამის გათენება. თავის დროზე, გახვრეტილ კარდალაში დარჩენილან ალბუს დამბლდორი, ჰარი პოტერი, ჰერმიონ გრეინჯერი და უიზლების მთელი ოჯახი. ბარს ასევე აქვს სარდაფი, სადაც მდებარეობს მარანი. გახვრეტილი კარდალა იდეალური ადგილია ჯადოსნური სამყაროს ჭორების გასაგებად.
ჰარი პოტერის რვა სერიაში არაერთი ისეთი ეპიზოდია, რომელიც ჯადოქრების ცხოვრების უჩვეულობას ასახავს. ასეთი ერთ-ერთი სცენაა, სადაც ჰარი და ჰაგრიდი გახვრეტილ კარდალას სტუმრობენ. თავდაპირველად გახვრეტილი კარდალას აბრაზე არაფერი ჩანს , თუმცა, როგორც კი ორი ჯადოქარი უახლოვდება ბარს , ნელ-ნელა იკვეთება შავსა და ოქროსფერში დახატული ქვაბი და წარწერა, სადაც “ გახვრეტილი კარდალა” წერია. მაგლები მაგიას ვერ ხედავენ, შესაბამისად, ნიშანი იმიტომ გამოჩნდა, რომ ბარს ჯადოქრები მიუახლოვდნენ.
პოტერჰედებო, ქუჩაში სეირნობისას თუ სადმე მაღაზიის ან რომელიმე დაწესებულების თავზე დაკიდებული ცარიელი დაფა დაინახეთ, გადაჭრით ნუ იფიქრებთ, რომ თქვენ მიტოვებულ შენობასთან ხართ. შეიძლება, ჯადოქრებისთვის განკუთვნილ ადგილას მოხვდით.