გრინგოტსის ჯადოქრობის ბანკი

გრინგოტსის ბანკი იყო ჯადოქრების სამყაროში ერთადერთი ბანკი. იგი დაარსდა 1474 წელს, გობლინ გრინგოტსის მიერ. ბანკის ოფისი მდებარეობს ლონდონში, მრუდე ქუჩის ჩრდილოეთ მხარეს.

გრინგოტსის ბანკის შექმნა მე-15 საუკუნეში ჯადოქრების სამყაროში ეკონომიკურად არასტაბილურ ვითარებას უკავშირდება. ბანკის შექმნის მთავარი მიზანიც აღნიშნული გარემოების დასტაბილურება იყო.

1865 წლამდე, ბანკი მაგიის სამინისტროს დაქვემდებარებაში იყო. 1865 წელს სამინისტრომ გადაწყვიტა გრინგოტსის სრული კონტროლი ისევ გობლინებისთვის გადაებარებინა.

მე-20 საუკუნის შუა ხანებში, როდესაც ლორდმა ვოლდემორმა მაგიის სამინისტრო დაიმორჩილა, გრინგოტსის ბანკი კვლავ გადავიდა სამინისტროს დაქვემდებარებას, ხოლო ვოლდემორის დამარცხების შემდეგ, გრინგოტსი ისევ გობლინების ხელში დაბრუნდა.

ჯადოქრებისთვის ფულისა და ძვირფასეულობების შენახვის გარდა, გრინგოტსის ბანკში შესაძლებელია მაგლური ფულის ჯადოქრების გალეონებზე, სიკლებსა და კნატებზე გადაცვლა. ვალუტის კონვერტაციის აღნიშნული სერვისი ჰერმიონ გრეინჯერსაც კი აქვს გამოყენებული, როდესაც მისმა მშობლებმა ჰერმიონის სკოლის ნივთების გადახდისას გადაცვალეს თავიანთი მაგლური ფული.

მართალია გრინგოტსი მიწის ზედაპირზე ძალიან მდიდრულად არის მოწყობილი, მაგრამ რამდენადაც დახვეწილია იგი მიწის ზემოთ, იმდენად საზარელი და შიშის მომგვრელია მისი საცავები მიწის ზედაპირიდან მრავალი ათასი კილომეტრის ქვეშ. ამ საცავებს გობლინების შელოცვების გარდა, მიწის სიღრმეში მომწყვდეული დრაკონებიც იცავენ, რომელთა უმრავლესობამ იმდენი ხანი გაატარა მზის სხივის ნახვის გარეშე, რომ სანახევროდ დაბრმავებულებიც არიან, რაც მათ განსაკუთრებულად აგრესიულს ხდის.

ბანკის საცავები ბოლო საუკუნეებში იმითაც იყო ცნობილი, რომ იქ ინახებოდა ფილოსოფიური ქვა. ფილოსოფიური ქვა ლეგენდარულმა შუასაუკუნოვანმა ალქიმიკოსმა- ნიკოლოს ფლამელმა შექმნა, რომელმაც 665 წელი იცოცხლა. ეს მისტიური ნივთი განსაცვიფრებელი ძალისაა. იგი ნებისმიერ ლითონს გარდაქმნის ოქროდ. ამის გარდა, შეუძლია წარმოქმნას სიცოცხლის ელექსირი, რომელიც უკვდავებას ანიჭებს ადამიანს. ვოლდემორის მცდელობა მოეპარა ფლამელის “ფილოსოფიური ქვა”, დეტალურად აღწერილია წიგნში “ჰარი პოტერი და ფილოსოფიური ქვა”, ჰარი პოტერის შვიდტომეულის პირველ ნაწილში.

გობლინები ძალიან ხარბები არიან, ისინი ნებისმიერ ფასად იცავენ თავიანთ ფულსა და ძვირფას ნივთებს, რაც მათ იდეალურ მეურვეებად აქცევს ჯადოქრობის სამყაროს ძვირფასეულობების. გობლინებს აქვთ თავიანთი კოდექსიც, რომელიც მათ უკრძალავს ბანკის საიდუმლოებებზე საუბარს და მიიჩნევენ, რომ ამ კოდის დარღვევა არის ყველაზე დიდი ღალატი. 

გრინგოტსის ჯადოქრობის ბანკის დევიზია “Fortius Quo Fidelius”, ლათინური ფრაზაა, რომელიც ნიშნავს “ძალა ერთგულების მეშვეობით”.

გრიგოტსის ნივთების სანახავად ეწვიეთ ბმულს