ჯადოსნური ჯოხის ოსტატობა ძალზედ დაფასებული პროფესიაა ჰარი პოტერის სამყაროში. ჯადოსნური ჯოხის ოსტატები უხსოვარი დროიდან არსებობენ, მაგრამ მიუხედავად ამისა, საუკუნეების განმავლობაში ჯადოსნური ჯოხის დამზადების ტექნიკა, დიდად არ შეცვლილა. ამ სტატიით გვინდა მოგაწოდოთ ინფორმაცია მე-20 საუკუნის ყველაზე ცნობილი ჯოხის ოსტატების შესახებ.
გარიკ ოლივანდერი
გარიკ ოლივანდერი ერთ-ერთი ყველაზე ცნობილი ჯოხების ოსტატია ჯადოსნური სამყაროში. იგი ნახევრად მაგლია (ერთი მშობელი არაჯადოქარი ჰყავდა მეორე მშობელი ჯადოქარი). მისი მაღაზია ლონდონში, მრუდე ქუჩაზე მდებარეობს. გადმოცემის თანახმად, ოლივანდერები ინგლისში რომაელებს ჩამოყვნენ ძვ.წ. 382 წელს, მათ ერთი პატარა დახლი გახსნეს, რომელიც დროთა განმავლობაში მაღაზიაში გადაიზარდა. ოლივანდერის ჯადოსნური ჯოხების მაღაზია ყველაზე ძველი ნაგებობაა მრუდე ქუჩაზე- საკუთრივ მრუდე ქუჩაც სწორედ ამ მაღაზიის გარშემო აშენდა.
როდესაც ჰარი ჰოგვორტსის მეექვსე კურსზე იყო, ფენრირ გრეიბექმა და სხვა სიკვდილის მხვრელებმა ოლივანდერი გაიტაცეს და ლორდ ვოლდემორს მიჰგვარეს. ვოლდემორი აწამებდა ოლივანდერს, რათა გაეგო, თუ რატომ არ ემორჩილებოდა ჯოხი ჰარი პოტერთან დაპირისპირების დროს. კრუციატუსის წყევლის ქვეშ, ოლივანდერმა ვოლდემორს გაანდო, რომ მის და ჰარი პოტერის ჯოხები ერთი ფენიქსის ბუმბულით იყო დამზადებული და ეს ჯოხები ერთმანეთთან დაპირისპირებას ვერ შეძლებდნენ.
ოლივანდერი წამების შემდეგ მალფოების სასარდაფში ჩაკეტეს, ლუნა ლავგუდთან და დინ ტომასთან ერთად. ისინი სარდაფში მანამ იყვნენ ჩაკეტილები, სანამ დობიმ არ გადაარჩინა და გაათავისუფლა სამივე.
ვიოლეტა ბუვე
ვიოლეტა ბუვე (violetta Beauvais) ამერიკელი ჯადოქარი იყო. იგი ჯადოსნური ჯოხების სამ სხვა ოსტატთან-შიკობა ვულფთან, ტიაგო კვინტანასთან და იოჰანეს იონკერთან ერთად ემსახურებოდა ჩრდილოეთ ამერიკელ ჯადოქრებს.
ვიოლეტა ბუვე დაიბადა ლუიზიანაში, ნიუ ორლეანში. მისი ნიშა ჯადოსნური ჯოხების ლუიზიანური ჭაობის ხის მასალისგან დამზადება იყო. ვიოლეტას ჯოხებს ბირთვად რუგარუს ბეწვი ჰქონდათ, რაც საზოგადოებაში შიშს აჩენდა- ისინი მიიჩნევდნენ, რომ ოსტატის ჯოხები შავ მაგიასთან იქნებოდა დაკავშირებული. მიუხედავად ამ საფრთხილო ფაქტისა, ბუვეს ჯოხებს იყენებდნენ საკმაოდ ცნობილი ადამინებიც, მათ შორისაა ამერიკის შეერთებული შტატების ჯადოქართა კონგრესის პრეზიდენტი სერაფინა პიკერი.
იოჰანეს იონკერი
იოჰანეს იონკერი მუქსისხლიანი ჯადოქარი იყო- იგი მაგლების ოჯახში დაიბადა. მამამისი წარმატებული დურგალი იყო- იგი ძვირადღირებული ავეჯს ამზადებდა. შესაძლოა, სწორედ მამამ ასწავლა პატარა იოჰანესს ხეზე მუშაობის ნატიფი ხელოვნება.
როგორც ყველა ჯოხის ოსტატს, იოჰანესსასც ჰქონდა ჯოხის წარმოების საკუთარი ინდივიდუალური ტექნიკა. მისი ჯოხების ამოცნობა მარტივად შეიძლებოდა მარგალიტის გულით. იოჰანესის ჯოხებისთვის აგრეთვე დამახასიათებელი იყო ვამპუსის კატის ბირთვის ქონაც.
ტიაგო კვინტანა
ტიაგო კვინტანა ამერიკელი ჯადოქარი იყო. მისი ჯოხები ელეგანტური დიზაინის და უჩვეულოდ გრძელი იყო. ითვლებოდა, რომ მისი ჯოხებით შეიძლებოდა უჩვეულოდ “ელეგანტური” შელოცვებს წარმოება.
კვინტანა ჯოხებს არკანზასში მცხოვრებო თეთრი მდინარის ურჩხულის ხერხემლისგან ამზადებდა, რაც მოსახლეობაში დიდ უკმაყოფილებას იწვევდა, ვინაიდან ისინი შიშობდნენ, რომ ცხოველის ეს სახეობა შესაძლებელი იყო გადაშენების პირას დამდგარიყო, მაგრამ როგორც აღმოჩნდა, კვინტანა თვითონ ამრავლებდა თეთრი მდინარის ურჩხულებს და ამით არც საფრთხეს უქმნიდა მათ პოპულაციას.
ტიაგო კვინტანამ საფლავში ჩაიტანა თეთრი მდინარის ურჩხულის გამრავლების ტექნიკა და შესაბამისად მისი ხერხემლისგან ჯოხის დამზადების ტექნიკაც, შესაბამისად მსგავსი ჯოხები სხვა ჯადოქრებმა ვეღარ შექმნეს.
შიკობა ვულფი
შიკობა ვულფი იყო მე-20 საუკუნის ამერიკელი ჯადოქარი. წარმოშობით ჩოქტავის ერიდან იყო. მისი ჯოხები ლამაზი ამონაჭრევებით გამოირჩეოდა. ითვლებოდა, რომ მისი ჯოხები ძლიერი, მაგრამ რთულად დასამორჩილებელი იყო. სწორედ ამიტომ, შიკობა ვულფის ჯოხები ტრანსფიგურაციის შემსწავლელთა მსურველებს შორის ძალზედ მოთხოვნადი იყო.
მაიქიუ გრეგოროვიჩი
მაიქიუ გრეგოროვიჩი იყო ევროპელი ჯოხების მწარმოებელი. სამწუხაროდ, მისი მოღვაწეობის ზუსტი ქვეყანა არ არის ცნობილი, მაგრამ მისი სახელიდან გამომდინარე, სავარაუდოა, რომ იგი გერმანულენოვანი ქვეყნებიდან უნდა ყოფილიყო. გრეგოროვიჩი საკმაოდ წარმატებული და დახელოვნებული ჯოხების მწარმოებელი იყო, თუმცა ჯოხების ოსტატთა შორის ყველაზე აღიარებული ოსტატი- ოლივანდერი, დიდად არ აფასებდა მის ნახელავებს, რადგან მათ დიდი უთანხმოება ჰქონდათ ჯოხის საწარმოო ძირითად მასალასთან დაკავშირებით.
მკითხველისთვის უცნობ ვითარებაში, გრეგოროვიჩს ხელში უვარდება უძლეველი ჯოხი, რაც ყველა ჯოხის ოსტატისთვის საკმაოდ სანატრელი ნადავლია. მან გადაწყვიტა საზოგადოებაში ჭორების დონეზე გაევრცელებინა ის ფაქტი, რომ გრეგოროვიჩს ხელში უძლეველი ჯოხი ჩაუვარდა და რომ ოსტატი ჯოხის შესაძლებლობების დუბლირებას ცდილობდა, რათა სხვა ჯოხებიც უძლეველი ჯოხის მსგავსად დაემზადებინა. გრეგოროვიჩის საკმაოდ მიამიტური ახირება ასეთი გზით დამატებითი შემოსავალი მიეღო, წარუმატებელი აღმოჩნდა- ერთ დღესაც მან გაიგო სახელოსნოს ფანჯრის ჩამტვრევის ხმა და დაინახა ქერა თმიანი ახალგაზრდა ბიჭი, რომელსაც ხელში სწორედ მისი უძლეველი ჯოხი ეჭირა. ქერა თმიანი ბიჭი ყველა დროის ერთ-ერთი ყველაზე ძლევამოსილი ბნელი ჯადოქარი- გელერტ გრინდელვალდი აღმოჩნდა, თუმცა გრეგოროვიჩი ისე გარდაიცვლება, რომ ბიჭის ვინაობის შესახებ ვერც კი გაიგებს.
გელერტ გრინდელვალდის გარდა, უძლეველი ჯოხის დაუფლება ლორდ ვოლდემორსაც სურდა. ვოლდემორმა იცოდა, რომ უძლეველი ჯოხი ბოლოს გრეგოროვიჩს ჰქონდა, მაგრამ არ იცოდა ის, რომ იგი გრინდელვალმა მოპარა. ვოლდემორმა გაიტაცა გრეგოროვიჩი და აწამა. ბნელ ჯადოქარს არ სჯეროდა, რომ გრეგოროვიჩს უძლეველი ჯოხი არ ჰქონდა. საბოლოოდ, ვოლდემორმა გრეგოროვიჩის გონებაში შეაღწია და დარწმუნდა იმაში, რომ ჯოხი გრეგორვიჩს მართლაც რომ მოპარეს, მან ისიც ნახა რომ ჯოხების ოსტატმა არც ქურდის ვინაობა იცოდა და ამიტომ თავიდან მოიშორა გრეგორივიჩი.
ჯიმი ქიდელი
მრუდე ქუჩაზე, ოლივანდერის გარდა, ჯოხებს სხვა ჯადოქარიც ამზადებდა. მისი სახელი ჯიმი ქიდელი იყო. იგი მართვადა მაღაზიას სახელით “ჯიმი ქიდელის შეუდარებელი ჯოხები”. ჯადოქართა საზოგადოებაში ჯიმი ქიდელს ამპარტავანი და მკვეხარა ჯადოქრის სახელით იცნობდნენ და სწორედ ამიტომ ახალგაზრდა ჯადოქრებიც ოლივანდერთან ამჯობინებდნენ ჯადოსნური ჯოხების შეძენას.