UNO All wild კლასიკური უნოს ვერსიაა, რომელსაც მეტად ქაოსურს ხდის ის, რომ მასში ყველა ბარათი ველური ბარათია.
კლასიკური წესები:
თამაშის მიზანია რაც შეიძლება მალე მოიშორო ხელიდან ყველა ბარათი.
მოთამაშეებს ურიგდებათ 7-7 ბარათი, დანარჩენი კი დეკში რჩება.
თავდაპირველად დეკიდან ტრიალდება ერთი ბარათი, რითაც იწყება თამაში. მოთამაშეებმა ხელიდან უნდა დადონ ის ბარათი, რომელიც ბოლოს დადებულს ემთხვევა ფერით, ნომრით ან სიმბოლოთი.
თუ ასეთი ბარათი მოთამაშეს ხელში არ აქვს, იგი ბარათს დეკიდან იღებს. თუ ახალი ბარათიც არ ემთხვევა ბოლოს დადებულს ფერით, ნომრითა თუ სიმბოლოთი, მაშინ ჯერი სხვა მოთამაშეზე გადადის.
როდესაც მოთამაშეს ხელში მხოლოდ ერთი ბარათი აქვს , უნდა თქვას „უნო“. წინააღმდეგ შემთხვევაში, თუ მოთამაშეები შეამჩნევენ, იგი დეკიდან დამატებით ორ ბარათს იღებს.
სპეციალური წესები:
მოთამაშეს შეუძლია ნებისმიერი ბარათი ნებისმიერ დროს გამოიყენოს, რადგან ყველა მათგანი ველური ბარათია და არ მოქმედებს ფერისა და ნომრის შეზღუდვა.
+2 და + 4 - მოთამაშე იღებს 2 ან 4 ბარათს დეკიდან და ტოვებს თავის სვლას
გამოტოვება - შემდეგი მოთამაშე ტოვებს თავის სვლას
შებრუნება - თამაშის მიმართულება ბრუნდება ( საათის ისრის მიმართულებით ან საწინააღმდეგოდ )
გამიზნული აღება - მოთამაშე ირჩევს იმ მოწინააღმდეგეს, რომელმაც უნდა დაიმატოს დეკიდან ბარათები.
