Ticket to Ride Europe არის სტრატეგიული სამაგიდო თამაში, რომელიც მოთამაშეებს ევროპაში მატარებლით ამოგზაურებს. თამაშის მიზანია, რომ მოთამაშემ რაც შეიძლება მეტი ქულა დააგროვოს.
თამაშში შედის შემდეგი კომპონენტები:
დაფა, რომელზეც გამოსახულია ევროპის რუკა
მატარებლის ბარათები - თითოეული მოთამაშე იღებს 4-4 ბარათს, ხოლო დანარჩენი დეკში რჩება. მათგან 5 ამოტრიალებულ მდგომარეობაში დევს მაგიდაზე.
დანიშნულების ბილეთები
მატარებლის ვაგონები ( 45 თითო მოთამაშეს ფერების მიხედვით)
სადგურები ( 3 თითო მოთამაშეს ფერების მიხედვით )
ყოველ სვლაზე, მოთამაშე აკეთებს ერთ-ერთ მოქმედებას:
იღებს მატარებლის ბარათს ან დეკიდან, ან ამოტრიალებული ბარათებიდან
აგებს მარშრუტს - ამისთვის იყენებს მატარებლის ბარათებს - მასზე გამოსახული ფერისა და ადგილის რაოდენობის მიხედვით, მოთამაშე რუკაზე ალაგებს მატარებლის ვაგონებს.
იღებს დანიშნულების ბილეთს
აშენებს მატარებლის სადგურს - ამით მოთამაშეს ეძლევა საშუალება შეასრულოს დანიშნულების ბილეთი სხვისი გზების გამოყენებით.
მოთამაშე ქულებს იღებს მარშრუტების აგებით, ქალაქების დაკავშირებით, მაშინ, როდესაც არ იყენებს სადგურებს ( 1 გამოუყენებელი სადგური 3 ქულაა)
მაშინ, როდესაც ერთ-ერთ მოთამაშეს დარჩება რამდენიმე გამოუყენებელი ვაგონი, მოთამაშეები აჯამებენ ქულებს. გამარჯვებული ხდება ყველაზე მეტი ქულის მფლობელი.
