You Laugh You Drink - სახალისო თამაშია, სადაც მოთამაშეები ცდილობენ გააცინონ ერთმანეთი. ვინც იცინის, ის სვამს!
დეკში 150 ბარათია.
ერთი მოთამაშე იღებს ბარათს, და ჩუმად კითხულობს მას. ბარათზე აღწერილია ქმედება, რომლის საშუალებითაც მოთამაშე ეცდება მეორე მოთამაშის გაცინებას. მოთამაშე „მსხვერპლს“ თავად ირჩევს.
მოთამაშემ, რომლის გაცინებასაც ცდილობენ, 30 წამის განმავლობაში უნდა მოახერხოს სერიოზული სახის შენარჩუნება. თუ გაიცინებს, ის დალევს, ხოლო წარმატებული ხუმრობის ავტორი ბარათს დაიტოვებს. თუ „მსხვერპლი“ ამ დროის განმავლობაში შეინარჩუნებს სერიოზულ სახეს, მაშინ ბარათს ის დაიტოვებს და წარუმატებელი ხუმრობის ავტორი დალევს. ამ პერიოდის განმავლობაში სხვა მოთამაშეებს თავისუფლად შეუძლიათ სიცილი.
შემდეგ ჯერი საათის მიმართულებით გადადის შემდეგ მოთამაშეზე, რომელიც იღებს დეკიდან ბარათს და შეეცდება სხვა მოთამაშის გაცინებას.
ერთი მიღებული ბარათი უდრის ერთ ქულას.
გამარჯვებული ხდება ის, ვინც პირველი მოიპოვებს 7 ქულას.
