ერთი ღამის მაქცია- განთიადი დედუქციური სამაგიდო თამაშია, რომელშიც გამოიყენება იგივე წესები, რაც „ერთი ღამის მაქციაში“, რამდენიმე ახალი როლის დამატებით.
როლები:
მაქციები:
1.ალფა მაქცია - იღვიძებს ჯერ სხვა მაქციებთან ერთად, შემდეგ კი მარტო და ცვლის მაქციის ბარათს სხვა მოთამაშის ბარათთან (არა ისევ მგლის ბარათთან )
2.მისტიური მაქცია - იღვიძებს ჯერ სხვა მაქციებთან, შემდეგ კი მარტო და ნახულობს ერთერთი მოთამაშის ბარათს.
3.მძინარე მაქცია - იგი არ იღვიძებს. როცა წამყვანი იძახებს, იგი ცერა თითის აწევით ანიშნებს სხვა მაქციებს თავის იდენტობას.
მოქალაქეები:
1.გუშაგი - იგი იღვიძებს და დებს ფარის ჟეტონს ერთერთი მოთამაშის ბარათზე ( თავის გარდა ). ასეთი ბარათის ნახვა, შეცვლა ან მასზე არტეფაქტის დადება დაუშვებელია.
2.მხედველი - იღვიძებს და ნახულობს ერთერთი მოთამაშის ბარათს
3..ტანერი - იგი თამაშს მაშინ იგებს, თუ ხმის მიცემით გამოეთიშება თამაშს.
4.პარანორმალური გამომძიებელი - იგი იღვიძებს და ნახულობს 1, ან 2 ბარათს. თუ მან მაქციის ან ტანერის ბარათი ნახა, იგი აღარ აგრძელებს სხვა ბარათების ნახვას და ხდება მაქცია ან ტანერი. იგი მაშინ იგებს, თუ თამაშს გამოეთიშება.
5.ჯადოქარი - შეუძლია ნახოს ერთერთი მოთამაშის ბარათი. თუ ამას გააკეთებს, მან ეს ბარათი სხვა მოთამაშის ( ან თავის ) ბარათთან უნდა გაცვალოს.
6.სოფლის იდიოტი - მას შეუძლია ნებისმიერი ბარათი ( თავისი ბარათის გარდა ) შეცვალოს მარჯვნივ ან მარცხნივ დადებულ ბარათთან.
7.გამმჟღავნებელი - მას შეუძლია ერთი ბარათი ამოატრიალოს და ასე დატოვოს. თუ იგი მაქციის ან ტანერის ბარათს ამოატრიალებს, ისევ უნდა შეაბრუნოს, რათა ვერავინ დაინახოს
8.კურატორი - მას შეუძლია ერთერთი არტეფაქტი დადოს ნებისმიერ ბარათზე ( არა იმ ბარათზე, სადაც ფარის ჟეტონი დევს )
9.მცველი - მოთამაშე, ვისაც მცველი მისცემს ხმას, არ შეიძლება გამოეთიშოს თამაშს. ასეთ შემთხვევაში, თამაშს ეთიშება შემდეგი მოთამაშე, ვისაც ყველაზე მეტი ხმა აქვს. მოთამაშეებმა ხმის მიცემის შემდეგ უნდა ამოატრიალონ ბარათები, რათა ნახონ, თამასის დატოვების კანდიდატს ხომ არ აძლევს ხმას მცველი.
არტეფაქტი რამდენიმე სახისაა. ისინი ართმევენ მოთამაშეს ძალებს ( როლის მიხედვით), აქცევენ მას მაქციად, აიძულებენ გაჩუმდეს ან შებრუნდეს ზურგით თამაშის განმავლობაში.
