უნო - მაინკრაფტი წარმოადგენს კლასიკური უნოსა და მაინკრაფტის კოლაბორაციას, სადაც თამაში მიდის კლასიკური წესებით, მაინკრაფტის თემატიკის ბარათებით და სპეციალური წესებით.
კლასიკური წესები:
თამაშის მიზანია რაც შეიძლება მალე მოიშორო ხელიდან ყველა ბარათი.
მოთამაშეებს ურიგდებათ 7-7 ბარათი, დანარჩენი კი დეკში რჩება.
თავდაპირველად დეკიდან ტრიალდება ერთი ბარათი, რითაც იწყება თამაში. მოთამაშეებმა ხელიდან უნდა დადონ ის ბარათი, რომელიც ბოლოს დადებულს ემთხვევა ფერით, ნომრით ან სიმბოლოთი.
თუ ასეთი ბარათი მოთამაშეს ხელში არ აქვს, იგი ბარათს დეკიდან იღებს. თუ ახალი ბარათიც არ ემთხვევა ბოლოს დადებულს ფერით, ნომრითა თუ სიმბოლოთი, მაშინ ჯერი სხვა მოთამაშეზე გადადის.
როდესაც მოთამაშეს ხელში მხოლოდ ერთი ბარათი აქვს , უნდა თქვას „უნო“. წინააღმდეგ შემთხვევაში, თუ მოთამაშეები შეამჩნევენ, იგი დეკიდან დამატებით ორ ბარათს იღებს.
სპეციალური წესები:
ქრიფერის ბარათი - აიძულებს შემდეგ მოთამაშეს დაიმატოს 3 ბარათი
ველური ბარათი- აძლევს მოთამაშეს საშუალებას შეცვალოს მიმდინარე ფერი.
დაბლოკვის ბარათი - ბლოკავს სხვა მოთამაშის ბარათს ( ქმედებას ).
