უნო დანდობის გარეშე კლასიკური უნოს ქაოსული და მეტად მკაცრი ვერსიაა, სადაც მოთამაშეები დანდობას არ უნდა ელოდნენ.
კლასიკური წესები:
თამაშის მიზანია რაც შეიძლება მალე მოიშორო ხელიდან ყველა ბარათი.
მოთამაშეებს ურიგდებათ 7-7 ბარათი, დანარჩენი კი დეკში რჩება.
თავდაპირველად დეკიდან ტრიალდება ერთი ბარათი, რითაც იწყება თამაში. მოთამაშეებმა ხელიდან უნდა დადონ ის ბარათი, რომელიც ბოლოს დადებულს ემთხვევა ფერით, ნომრით ან სიმბოლოთი.
თუ ასეთი ბარათი მოთამაშეს ხელში არ აქვს, იგი ბარათს დეკიდან იღებს. თუ ახალი ბარათიც არ ემთხვევა ბოლოს დადებულს ფერით, ნომრითა თუ სიმბოლოთი, მაშინ ჯერი სხვა მოთამაშეზე გადადის.
როდესაც მოთამაშეს ხელში მხოლოდ ერთი ბარათი აქვს , უნდა თქვას „უნო“. წინააღმდეგ შემთხვევაში, თუ მოთამაშეები შეამჩნევენ, იგი დეკიდან დამატებით ორ ბარათს იღებს.
სპეციალური წესები:
მოთამაშე, რომელსაც 25 ბარათი აქვს ხელში, თამაშს ეთიშება.
ველური +7 და +10 - მოთამაშე იღებს 7 ან 10 ბარათს დეკიან და ტოვებს თავის სვლას
ყველას გამოტოვება - ბარათის გამოყენებით მოთამაშე ატოვებინებს სხვებს მათ სვლას და ისევ თავისი სვლაა
ყველა ბარათის მოშორება - მოთამაშე იშორებს ხელიდან ერთი ფერის ყველა ბარათს.
