დაკარგული ქალაქები

დაკარგული ქალაქები სტრატეგიული სამაგიდო თამაშია, სადაც მოთამაშეები ატარებენ ექსპედიციებს,  იკვლევენ ქალაქებს და რაც მთავარია, იღებენ ქულებს.

თამაშში 5 ექსპედიცია დაყოფილია 5 ფერად, რომელთაც მოთამაშემ შესაფერისი ფერის ბარათები უნდა დაუდოს, რათა ქულები მოიპოვოს.

თითოეულ მოთამაშეს ხელში 8 ბარათი აქვს.

მოთამაშის სვლა ორი ნაწილისგან შედგება:
1.ბარათის განთავსება -  ბარათს მოთამაშე ან უდებს შესაბამის ექსპედიციას, ან იცილებს მას სათამაშო დაფაზე , შესაბამისი ექსედიციის ბარათზე , განთავსებით.

2. ბარათის აღება - იგი ბარათს იღებს ან იმ ბარათებიდან, რომელიც სათამაშო დაფაზე დევს ( იღებს ზედა ბარათს ) ან დასტიდან, რომელიც მაგიდაზე დევს.

გასათვალისწინებელია:

ბარათები 2-10მდე არის დანომრილი. ბარათები ზრდადობის მიხედვით უნდა დაიდოს. მაგალითად, თუ მოთამაშემ დადო ბარათი ციფრით 9, მას ამის შემდეგ მხოლოდ რიცხვი 10-ით ბარათის დადება შეუძლია

ყოველი ექსპედიციის ღირებულება -20 ქულას უდრის. მოთამაშემ უნდა გადააჭარბოს 20 ქულას, რათა მისი ქულები დადებითი გახდეს.

თამაშში არის ხელის ჩამორთმევის ბარათები, რომელიც ქულას აორმაგებს ( ორი ბარათი ასამმაგებს და ა.შ). თუმცა, თუ მოთამაშე ვერ დაფარავს -20 ქულას, მაშინ მისი მინუს ქულები გაორმაგდება . ხელის ჩამორთმევის ბარათს არ აქვს რიცხვი. შესაბამისად, იგი საწყის ეტაპზე უნდა დაიდოს. თუ უკვე დევს ბარათი ექსპედიციასთან, მაშინ ზრდადობის პრინციპის გათვალისწინებით, ვინაიდან ნაკლების დადება არ შეიძლება, მოთამაშე ხელის ჩამორთმევის ბარათს ვეღარ განათავსებს.

ყოველ ექსპედიციაზე, რომელთანაც მოთამაშემ 8 ბარათი დადო, მოთამაშეს ბონუსად 20 ქულა ემატება

სამი რაუნდის შემდეგ შედეგები ჯამდება. ითვლება ქულები, მინუს ქულები და ბონუს ქულები. გამარჯვებული ხდება ის, ვისაც უფრო მეტი ქულა აქვს.