კარკასონი პარიზის ერთ-ერთი დიდებული ქალაქია. იგი გამოირჩევა უზარმაზარი ციხესიმაგრეებითა და გალავნებით, რომელიც შუა საუკუნეებში აიგო.
მის მსგავსად, მოთამაშეებს თამაშში უწევთ ააგონ ქალაქები, მონასტრები, ფერმები და გზები, მოიპოვონ ქულები და გახდნენ გამარჯვებულები.
თამაში მოიცავს ფილებს, რომელზეც ვიზუალურად გამოსახულია მონასტრების, გზების, ქალაქებისა და ფერმების ნაწილები.
საწყის ეტაპზე მოთამაშეები მოათავსებენ საწყის ფილას მაგიდაზე.
თითოეული მოთამაშის სვლა შედგება ეტაპებისგან:
1. იგი იღებს ფილას დასტიდან და აათავსებს მას საწყისი ფილის გვერდით, ზევით ან ქვევით ისე, რომ ვიზუალი ლოგიკურად გაგრძელდეს. არ შეიძლება ფილის დიაგონალურად მოთავსება.
2. თითოეულ მოთამაშეს 8 მიპლი ( მოთამაშის ფიგურა ) ჰყავს. სურვილის შემთხვევაში, მას შემდეგ რაც მოთამაშე ფილას დადებს, იგი განათავსებს მიპლს ქალაქში, გზაზე ან მონასტერში.
თუ მოთამაშე რომელიმე დეტალს ( ქალაქს, გზას ან მონასტერს) სრულად შეკრავს, იგი ქულას იღებს. მნიშვნელოვანია, რომ ამ დეტალზე მოთამაშეს მიპლი ჰყავდეს.
ქალაქი- ქალაქი სრულდება მაშინ, როდესაც მას გალავანი მთლიანად შემოერტყმევა. მოთამაშე იღებს 2 ქულას ყოველ ფილაზე, რომელზეც ქალაქია და 2 ქულას ყოველ ფარზე, რომელიც ამ ქალაქშია.
გზები - სრულდება, როცა დასაწყისი და დასასრული გამოიკვეთება (ორი ბოლო ). მოთამაშე იღებს 1 ქულას ყოველ ფილაზე, რომელზეც გზაა.
მონასტერი - მონასტერი 1 ფილაზეა გამოსახული. იგი მაშინ სრულდება, როცა შემოიღობება სხვა ფილებით გვერდებზე, ზევით, ქვევით, და დიაგონალებზე ( ჯამში 8 ფილა ). მოთამაშე იღებს 9 ქულას ( 1 ქულა მონასტრის ფილისთვის, ხოლო 8 ყოველი ფილისთვის, რომელის მონასტერს ერტყმის გარს)
ფილების ამოწურვისას მოთამაშეები იღებენ ქულებს დამატებით იმ დეტალებისთვის, რომელიც არ დასრულებულა:
ქალაქი - ნახევარი იმ ქულის, რომელსაც მოთამაშე დასრულების შემთხვევაში მიიღებდა ( 1 თითო ფილაზე, რომელზეც ქალაქია და 1 თითო ფარზე, რომელიც ქალაქშია )
გზები - 1 ქულა თითო ფილაზე, რომელზეც გზაა.
მონასტერი - 1 ქულა მონასტერზე, 1 ქულა თითო ფილაზე, რომელიც მონასტერს ესაზღვრება.
ფერმა- ფერმა მოთამაშეს ქულებს ამ ეტაპზე აძლევს. ფერმა გრძელდება ტერიტორიაზე იქამდე, სანამ გზა ან ქალაქი არ დაასრულებს ( დაბლოკავს ).
მოთამაშე იღებს 3 ქულას ყოველ აშენებულ ქალაქზე, რომელიც ფერმას ესაზღვრება.
გამარჯვებული ხდება ის, ვინც ყველაზე მეტ ქულას დააგროვებს.
