უნო ფლიპი

უნო ფლიპი კლასიკური უნოს ერთ-ერთი ვერსიაა, სადაც შეიძლება ერთმა ბარათმა ყველაფერი შემოაბრუნოს.

კლასიკური წესები:

თამაშის მიზანია რაც შეიძლება მალე მოიშორო ხელიდან ყველა ბარათი.

მოთამაშეებს ურიგდებათ 7-7 ბარათი, დანარჩენი კი დეკში რჩება.
თავდაპირველად დეკიდან ტრიალდება ერთი ბარათი, რითაც იწყება თამაში. მოთამაშეებმა ხელიდან უნდა დადონ ის ბარათი, რომელიც ბოლოს დადებულს ემთხვევა ფერით, ნომრით ან სიმბოლოთი.

თუ ასეთი ბარათი მოთამაშეს ხელში არ აქვს, იგი ბარათს დეკიდან იღებს. თუ ახალი ბარათიც არ ემთხვევა ბოლოს დადებულს ფერით, ნომრითა თუ სიმბოლოთი, მაშინ ჯერი სხვა მოთამაშეზე გადადის.

როდესაც მოთამაშეს ხელში მხოლოდ ერთი ბარათი აქვს , უნდა თქვას „უნო“. წინააღმდეგ შემთხვევაში, თუ მოთამაშეები შეამჩნევენ, იგი დეკიდან დამატებით ორ ბარათს იღებს.

უნო ფლიპში ბარათებს ორი მხარე აქვთ - ღია და მუქი.
თამაში ღია მხრიდან იწყება, თუმცა, როდესაც მოთამაშე ამოტრიალების (flip) ბარათს გამოიყენებს, მოთამაშეებმა ყველა ბარათი უნდა ამოატრიალონ ( მათ შორის ტრიალდება დეკიც) და თამაში ასე გააგრძელონ, სანამ კიდევ ერთი ამოტრიალების ბარათი არ იქნება გამოყენებული.