უნო სტრატეგიული თამაშია, რომლის მიზანია რაც შეიძლება მალე მოიშორო ხელიდან ყველა ბარათი.
მოთამაშეებს ურიგდებათ 7-7 ბარათი, დანარჩენი კი დეკში რჩება.
თავდაპირველად დეკიდან ტრიალდება ერთი ბარათი, რითაც იწყება თამაში. მოთამაშეებმა ხელიდან უნდა დადონ ის ბარათი, რომელიც ბოლოს დადებულს ემთხვევა ფერით, ნომრით ან სიმბოლოთი.
თუ ასეთი ბარათი მოთამაშეს ხელში არ აქვს, იგი ბარათს დეკიდან იღებს. თუ ახალი ბარათიც არ ემთხვევა ბოლოს დადებულს ფერით, ნომრითა თუ სიმბოლოთი, მაშინ ჯერი სხვა მოთამაშეზე გადადის.
დეკში სპეციალური ბარათებია, რომელიც მოთამაშეს აიძულებს აიღოს დეკიდან 2 ან 4 ბარათი, გამოტოვოს სვლა და ა.შ
როდესაც მოთამაშეს ხელში მხოლოდ ერთი ბარათი აქვს , უნდა თქვას „უნო“. წინააღმდეგ შემთხვევაში, თუ მოთამაშეები შეამჩნევენ, იგი დეკიდან დამატებით ორ ბარათს იღებს.
