კოდური სახელები დუეტი

კოდური სახელები - დუეტი „კოდური სახელების“ პრინციპზეა აგებული, თუმცა იმ განსხვავებით, რომ აქ მოთამაშეები არ არიან მოწინააღმდეგეები და სვლების რაოდენობაც შეზღუდულია.

თამაშში ორი მოთამაშეა ( ან გუნდი ). თითოეულ მათგანს თავისი საიდუმლო რუკა აქვს, რომელიც მეორე მოთამაშის რუკისგან განსხვავდება. რუკებზე განსხვავებულადაა დატანილი „უსაფრთხო“ და „ საშიში“ სიტყვები, რაც იმას ნიშნავს, რომ ერთ რუკაზე არსებული უსაფრთხო სიტყვა შესაძლოა მეორე რუკაზე ასასინის იყოს.

მოთამაშეები რიგრიგობით გასცემენ მინიშნებებს და ცდილობენ სიტყვების გამოცნობას. ისინი არ არიან მოწინააღმდეგეები. მათი მიზანია გამოიცნონ ყველა „უსაფრთხო“ სიტყვა , სანამ არ მოეწურებათ სვლები ან ასასინის სიტყვას არ გამოიცნობენ.