რისკი სტრატეგიული სამაგიდო თამაშია, სადაც მოთამაშეების მიზანია დაიპყრონ მსოფლიო.
თამაშში რუკაა, რომელიც 6 კონტინენტს მოიცავს. ისინი დაყოფილია ტერიტორიებად, ჯამში 42 ტერიტორია.
მოთამაშეები ამ ტერიტორიებზე საკუთარ ფიგურებს ( ჯარს ) ანაწილებენ, რათა დაიპყრონ ისინი. დაპყრობილი ტერიტორიებით და კონტინენტებით მოთამაშეები დამატებით ფიგურებსაც იღებენ.
მას შემდეგ, რაც ყველა ტერიტორიაზე განლაგდება ჯარი, მოთამაშეები იწყებენ შეტევას ერთმანეთის მეზობელ ტერიტორიებზე. ისინი აგორებენ კამათელს, რომელიც ორი სახისაა : შემტევი და დაცვის. გამარჯვებული ხდება ის, ვისაც უფრო მაღალი რიცხვი ამოუვა. დამარცხებული მოთამაშე აშორებს 1 ფიგურას. მოთამაშეს შეუძლია ამავე სვლაზე გააგრძელოს შეტევა, ან დაზოგოს ფიგურები და გაჩერდეს სტრატეგიულად.
მოთამაშე ტერიტორიების დაპყრობისას იღებს ბარათებს. მათზე გამოსახულია ფიგურები. სამი ერთნაირი ან სამი სხვადასხვა ფიგურის კომბინაცია მოთამაშეს 4 ფიგურას აძლევს.
გამარჯვებული ხდება ის, ვინ მსოფლიოს დაიპყრობს!
