სამაგიდო თამაში ცუდი გადაწყვეტილებები

ცუდი გადაწყვეტილებები სახალისო სამაგიდო თამაშია, სადაც შენი მიზანია, მოიშორო ყველა ბარათი ხელიდან.

დეკში 300 ბარათია. მათ შორის: კითხვის, გამოტოვების, ბარათის დამატების და ყველა მოთამაშის.

თითოეულ მოთამაშეს ურიგდება 6-6 ბარათი, ხოლო დანარჩენი დეკში რჩება.

მოთამაშე თავის ჯერზე ირჩევს კითხვის ადრესატს. მან უნდა შეარჩიოს ისეთი ადრესატი, რომლის პასუხიც „კი“ იქნება. თუ დასმულ შეკითხვაზე ადრესატი „კის“ უპასუხებს, მაშინ კითხვის ავტორი ამ ბარათს „მოიშორებს“ ხელიდან. თუ ადრესატმა უპასუხა „არა“, მაშინ მოთამაშემ ბარათი ხელში უნდა დაიტოვოს.

მოთამაშეს შეუძლია გამოიყენოს გამოტოვების ბარათი ნებისმიერ მოთამაშეზე, რათა მან თავისი ჯერი გამოტოვოს.

მოთამაშეს შეუძლია გამოიყენოს ბარათის დამატება ნებისმიერ მოთამაშეზე, რათა მან დეკიდან დამატებით ბარათები მიიღოს. თუ ამ მოთამაშესაც აღმოაჩნდა ასეთი ბარათი, მას შეუძლია იგი პირველი მოთამაშის წინააღმდეგ გამოიყენოს და პირველი მოთამაშე ორივე ბარათზე მითითებულ რაოდენობას აიღებს.

მოთამაშეს შეუძლია გამოიყენოს ყველა მოთამაშის ბარათი. ასეთ შემთხვევაში კითხვა ყველას მიემართება. თუ უმრავლესობის პასუხი იქნება „ კი“, მაშინ მოთამაშე ამ ბარათს იშორებს ხელიდან. თუ პასუხი იქნება „არა“ მოთამაშემ ახალი ბარათი უნდა აიღოს.

როცა მოთამაშეს ხელში მხოლოდ 1 ბარათი დარჩება, მან სხვა მოთამაშეები უნდა გააფრთხილოს. თუ არ გააფრთხილებს. მან დამატებით ერთი ბარათი უნდა აიღოს, თუმცა ეს მხოლოდ იმ შემთხვევაში, თუ რომელიმე მოთამაშე „გამოიჭერს“.

გამარჯვებული გახდება ის, ვინც ყველაზე ადრე მოიშორებს ყველა ბარათს ხელიდან.