სამაგიდო თამაში ცუდი ხალხი

ცუდი ხალხი სახალისო სამაგიდო თამაშია, სადაც გაიგებ, თუ რას ფიქრობენ შენი მეგობრები შენზე!

თამაში მოიცავს : კითხვის ბარათებს, ხმის მისაცემ ბარათებს, იდენტიფიცირების ბარათებს და ქულის გასაორმაგებელ ბარათებს.

საწყის ეტაპზე მოთამაშეები ირჩევენ იდენტიფიცირების ბარათს და იდებენ წინ. სხვა მოთამაშეებმა მას ხმა ამ ბარათის მიხედვით უნდა მისცენ.

დიქტატორი იღებს კითხვით ბარათს და კითხულობს კითხვას. ( მაგალითად  „ზომბი აპოკალიფსის დროს ვინ გადარჩებოდა“? ). შემდეგ, ის საიდუმლოდ აძლევს ხმას ერთ-ერთი მოთამაშის კანდიდატურას და დებს ხმის მიცემის ბარათს ამოტრიალებულად, რათა სხვა მოთამაშეებმა ვერ დაინახონ.

დანარჩენ მოთამაშეებს ევალებათ გამოიცნონ, ვის მისცა ხმა დიქტატორმა. ისინი აძლევენ ხმას და ხმის მიცემის ბარათს ასევე ამოტრიალებულ მდგომარეობაში დებენ.

პასუხის გაცხადებას იწყებს დიქტატორის მარცხნივ მჯდომი მოთამაშე, ხოლო დიქტატორი ბოლოს აცხადებს, ვის მისცა ხმა.

ყველა, ვინც გამოიცნო დიქტატორის პასუხი, იღებს 1 ქულას. თუ მოთამაშემ გამოიყენა გაორმაგების ბარათი, მაშინ ის იღებს 2 ქულას. თუ მოთამაშემ გამოიყენა გაორმაგების ბარათი და ვერ გამოიცნო პასუხი, კარგავს 1 ქულას.

დიქტატორის მარცხნუვ მჯდომი მოთამაშე შემდეგი დიქტატორი ხდება.

გამარჯვებული ხდება ის, ვინც პირველი მოიპოვებს 7 ქულას.