აჯანყება სტრატეგიული სამაგიდო თამაშია, რომელშიც მთავარი იარაღი ბლეფია და რომლის მიზანია, შეინარჩუნო ბარათები ბოლომდე.
თამაშში 15 ბარათია, ჯამში 5 პერსონაჟით : ჰერცოგი, ასასინი, კაპიტანი, ელჩი და კონტესა (თითო პერსონაჟის 3-3 ბარათი)
საწყის ეტაპზე მოთამაშეებს 2-2 ბარათი ურიგდებათ, რომელიც მათ საიდუმლოდ უნდა შეინახონ. დანარჩენი ბარათები რჩება დეკში.
მოთამაშეებს შეუძლიათ დაიბრალონ ნებისმიერი ბარათის ქონა, თუმცა შესაძლოა მათ რომელიმე მოთამაშე შეეწინააღმდეგოს. ასეთ შემთხვევაში:
თუ მოთამაშე „იბრალებდა“ რომელიმე ბარათის ქონას და აკეთებდა ამ პერსონაჟის სვლებს ისე, რომ სინამდვილეში ბარათი არ ჰქონდა, მან თავისი ორი ბარათიდან უნდა ამოატრიალოს ერთერთი.
თუ მოთამაშეს მართლაც ჰქონდა ეს ბარათი და შეცდომით შეეწინააღმდეგნენ, მოთამაშე ანახებს ბარათს, რათა დაამტკიცოს, რომ ის მართალია. შემდეგ იგი დეკიდან იღებს ახალ ბარათს ნაჩვენები ბარათის მაგივრად, ხოლო მოთამაშე, რომელიც შეცდომით შეეწინააღმდეგა მას, თავისი ორი ბარათიდან ატრიალებს ერთერთს.
მოთამაშე, რომელსაც აიძულებენ, ამოატრიალოს ორივე ბარათი, თამაშს ტოვებს.
მოთამაშეებს ასევე ურიგდებათ 2-2 მონეტა, ხოლო დანარჩენი მონეტები
(განძი) იდება ცენტრში.
მოთამაშეებს, თავის სვლაზე, შეუძლიათ გააკეთონ შემდეგი სვლებიდან ერთ-ერთი:
1.შემოსავალი - აიღონ განძიდან 1 მონეტა. ( ვერავინ შეეწინააღმდეგება)
2.საგარეო დახმარება - აიღონ განძიდან 2 მონეტა. ჰერცოგს შეუძლია შეეწინააღმდეგოს, ასეთ შემთხვევაში მოთამაშე ვეღარ აიღებს ამ სვლაზე მონეტას.
3.აჯანყება - მოთამაშე იხდის 7 მონეტას საგანძურში და ირჩევს მოთამაშეს, რომელმაც უნდა ამოატრიალოს თავისი 2 ბარათიდან ერთ-ერთი.
4.პერსონაჟების სვლები
ჰერცოგი:
სვლა- შეუძლია გადასახადის სახით აიღოს 3 მონეტა განძიდან
კონტრსვლა- შეუძლია დაბლოკოს მოთამაშის სვლა, რომელიც იღებს საგარეო დახმარებას
ასასინი:
სვლა- იხდის 3 მონეტას და ირჩევს, რომელი მოთამაშე მოკლას ( აიძულოს ბარათის ამოტრიალება). მისი სვლა შეიძლება დაბლოკოს კონტესამ
კაპიტანი:
სვლა- პარავს მოთამაშეებს 2 მონეტას. მისი სვლა შეიძლება დაბლოკოს სხვა კაპიტანმა ან ელჩმა
კონტრსვლა- ბლოკავს სხვა კაპიტნის სვლას.
ელჩი:
სვლა - ნახულობს დეკიდან 2 ბარათს და ცვლის თავის ბარათებს/ბარათს მათში.
კონტრსვლა - ბლოკავს კაპიტნის სვლას.
მისი სვლა არ იბლოკება, თუმცა შეიძლება შეწინააღმდეგება.
კონტესა:
სვლა - სხვა პერსონაჟებისგან განსხვავებით, მას სვლა არ აქვს.
კონტრსვლა: ბლოკავს ასასინის ქმედებას მაშინ, თუ კონტესას კლავენ.
