მაიკლ ჯექსონის შესახებ ახალი ბიოპიური ფილმის რეჟისორი ანტონი ფიკუა. ფილმი გვიყვება მაიკლ ჯექსონის ისტორიას ბავშვობიდან მის დიდებამდე, როდესაც იგი პოპის მეფე ხდება.
პატარა, 10 წლის მაიკლ ჯექსონის როლს ჯულიანო ვალდი ასრულებს, ხოლო ზრდასრული მაიკლის როლს მისივე ძმისშვილი, ჯაფარ ჯექსონი. საინტერესოა, რომ ბიოგრაფიულ ფილმში პოპ-ვარსკვლავის მრავალი ახლობელი და ოჯახის წევრი გვხვდება, თუმცა არა მისი და, ჯანეტ ჯექსონი.
ფილმის პრემიერაზე არ გამოჩენილა მაიკლის ერთადერთი ქალიშვილი, ჯანეტ ჯექსონი. გავრცელებული ინფორმაციით ამის მიზეზი გახდა ის, რომ იგი არ იყო ჩართული ფილმის შექმნაში. ჯანეტის თქმით, როდესაც მან სცენარი წაიკითხა და გააკეთა მცირე შენიშვნები ისტორიის რეალურობასთან დაკავშირებით, მისი აზრი არ გაითვალისწინეს.
"მნიშვნელოვანია, რომ ოჯახის ყველა წევრი იყოს ჩართული ფილმის შექმნაში, რომ ყველაფერი სწორად წარიმართოს"- განაცხადა ლა ტოია ჯექსონმა - "ხალხს ხშირად ჰგონია, რომ ყველაფერი იცის, თუმცა ოჯახის წევრებს დანამდვილებით შეუძლიათ გითხრან " კი" ან "არა" . მიუხედავად ამ კომენტარისა, იგი ნასიამოვნები დარჩა ფილმით და განსაკუთრებით აღაფრთოვანა ჯაფარის შესრულებამ - " გავიწყდება, რომ ეს ჯაფარია და გგონია, რომ შენს წინ მაიკლი დგას" - აღნიშნა მან.
ჯაფარ ჯექსონი მაიკლ ჯექსონის როლში
ჯაფარზე კრიტიკოსებიც საუბრობენ : კრიტიკოსი დევიდ რუნის თქმით, ჯაფარმა მართლაც წარმატებით გაართვა თავი როლს - " მისმა ნაზმა ხმამ მართლაც კარგად წარმოაჩინა მაიკლის ბავშვური უბრალოება" . რუნის აზრით "ფილმი არაა მათთვის, ვისაც არ შეუძლია განაცალკევოს ხელოვანი და ხელოვნება, თუმცა მათთვის, ვინც მუსიკას აღმერთებს, იგი შედევრია. მუსიკა არასდროს ყოფილა ასეთი კარგი და ხმამაღალი".
კრიტიკოსი კევინ მეჰერი საუბრობს მაიკლის მამის, ჯო ჯექსონის პერსონაჯზე, რომლის როლსაც კოლმან დომინგო ასრულებს. მაჰერის თქმით ჯო ჯექსონი წარმოჩენილია როგორც მოძალადე, კონტროლის მოყვარული მშობელი, რაც ქმნის საინტერესო კითხვას - შეძლებს თუ არა მაიკლი გაექცეს მას. კრიტიკოსმა ისაუბრა ჯაფარზეც "ჯაფარი შემდგარი იმპრესიონისტია. მაიკლ ჯექსონი იყო გენიოსი, რომლის მსგავსი ადამიანებიც თაობაში ერთხელ იბადებიან. მისი მუსიკალური მემკვიდრეობა საიმედო ხელშია" - განაცხადა მან.
ფილმმა მალევე მოიგო მაყურებელთა გული. მათი ნაწილი ფილმის მიერ ოსკარის მოგებაზეც კი საუბრობს.
