2026 წლის ზაფხულში მაყურებელი "მოანას" ფილმის სახით იხილავს.
მაუის როლს მსახიობი, დუეინ ჯონსონი შეასრულებს. სწორედ იგი ასრულებდა ამავე პერსონაჟის როლს ანიმაციაშიც. „ამ პერსონაჟთან ერთად 10 წელზე მეტი ვცხოვრობდი. ეს ანიმაცია ძალიან კარგი გამოცდილება იყო ჩვენთვის, როგორც პოლინეზიელი ხალხისთვის“ - განაცხადა მსახიობმა.
დუეინ ჯონსონის თქმით, მაუის პერსონაჟი დუეინის ბაბუის ინსპირაციით შექიმნა. მან საზოგადოებას ბაბუის ფოტოც ანახა, რასაც ხალხის მხრიდან აპლოდისმენტები მოჰყვა.
მსახიობმა ახსენა, რომ ანიმაციის ფილმად ქცევას განსაკუთრებული დანიშნულებაც აქვს - მათ ეძლევათ შესაძლებლობა აჩვენონ ადგილობრივების რეალური კულტურა, რეალური ხალხი, კუნძული, რაც, მისივე თქმით, შთამაგონებელია.
რაც შეეხება მოანას როლის შემსრულებელს , ავსტრიელი მსახიობმა , კატერინა ლაგალამ საკუთარ ემოციებზე ისაუბრა - მისი თქმით, იგი ბავშვობაში ანიმაციას ოჯახთან ერთად უყურებდა, ახლა კი აღელვებულია ფაქტით, რომ თავადაც მისი ნაწილი ხდება.
ცნობისთვის, „მოანას“ პირველი ანიმაცია 2016 წელს გამოვიდა, რომლის შემოსავალმაც 600 მილიონ დოლარი შეადგინა, 2024 წლის სიქველის შემოსავალი კი 1 მილიარდი დოლარი გახდა.
