„ განკითხვის დღე“ მარველის ახალი, მულტივერსული ფილმია, რომელმაც რობერტ დაუნი ჯუნიორი ისევ მარველის სამყაროში დააბრუნა - ამჟამად მსახიობი დოქტორი დუმის როლს მოირგებს.
„ ვერასდროს ვიფიქრებდი, რომ ისევ შევუერთდებოდი ამ საოცარ გუნდს - მით უმეტეს, როგორც ახალი პერსონაჟი“ - განაცხადა ვარსკვლავმა.
ცნობისთვის, რობერტ დაუნი ჯუნიორმა მარველის სამყაროში ტონი სტარკის, რკინის კაცის როლით შეაბიჯა .
მარველ სტუდიოს პრეზიდენტის, კისევინ ფაიგის თქმით: „ „განკითხვის დღე“ იქიდან გრძელდება, სადაც „Avengers: Endgame” დასრულდა“. მანვე განაცხადა, რომ ფილმში ასევე ვიხილავთ X ადამიანებსაც ( X-Men ).
ფილმის რეჟისორები ძმები რუსოები არიან. “ ის უბრალოდ ბოროტმოქმედი არ არის - ის ერთერთი ყველაზე კომპლექსური პერსონაჟია. იგი ყოველთვის სამი ნაბიჯით წინაა” - ასე აღწერა ჯო რუსომ დუმი.
თორი სხვა გმირებს დუმისგან მომავალი საფრთხის შესახებ აფრთხილებს : “გადადეთ თქვენი წვრილმანი უთანხმოებები გვერდზე. არაფერი იფიქროთ, გარდა ერთისა: თუ დაბრუნდებით, დაბრუნდებით როგორც დები და ძმები” - ამბობს იგი - “დაიმახსოვრეთ ჩემი სიტყვები : ჩვენ სასწაული დაგვჭირდება”.
ოფიციალურ წყაროზე დაყრდნობით, ახალ ფილმში სტივ როჯერსსაც ვიხილავთ. თუმცა მაყურებლები ვარაუდობენ, რომ სტივი ამჟამად კაპიტანი ამერიკის სახით აღარ წარსდგება . ახალი კაპიტანი ამერიკა კი, მისივე გადაწყვეტილებით, სემ ვილსონია.
ჯამში, ფილმი აერთიანებს ისეთ ყველასათვის საყვარელ გმირებს, როგორებიც არიან სტივ როჯერსი, თორი, ლოკი, შავი პანტერა (შური), ბაკი ბარნსი, კაპიტანი ამერიკა
( სემ ვილსონი ), ადამიანი ჭიანველა, X ადამიანები და ა.შ
აღნიშნული ტრეილერი “განკითხვის დღის” პირველი ვრცელი ვიდეომასალაა იმ მოკლე თიზერების შემდეგ, რომლებიც 2025 წლის ბოლოსა და მიმდინარე წლის დასაწყისში გამოვიდა. ისინი ძირითადად სტივ როჯერსზე, თორზე და X-Men-ზე იყო კონცენტრირებული, შესაბამისად, რობერტ დაუნის დაბრუნება მაყურებელმა ახალი ტრეილერით შეიტყო.
„შურისმაძიებლები : განკითხვის დღე“ , შეიძლება ითქვას, აერთიანებს ისეთ ფილმებს, როგორიცაა „Avengers : Endgame” ( ყველა დროის N2 ფილმი ) და “Avengers : the Infinity War” ( ყველა დროის N7 ფილმი ) - მათი რეჟისორების, ძმები რუსოებისა და მსახიობების ჩათვლით.
ფილმის პრემიერა 2026 წლის 18 დეკემბერს იგეგმება და ივარაუდება, რომ იგი წლის ერთერთი ყველაზე შემოსავლიანი ფილმი იქნება.
