ჩვენს შესახებ

ჩვენი ისტორია 2015 წელს, ყველაზე პოტერჰედული ოცნებით დაიწყო- შეგვექმნა ჰარი პოტერის მაღაზია, სადაც ნებისმიერ მსურველს შეეძლებოდა ჩვენი მაღაზიის მეშვეობით ჰარი პოტერის სამყაროსთან დაახლოება. 

2015 წლიდან დღემდე, "ოლივანდერის მაღაზია" წარმატებით ასრულებს თავის მისიას- "ჩვენ ვასრულებთ პოტერჰედთა ოცნებებს!"

ჩვენ ვთანამშრომლობთ ჰარი პოტერის პროდუქციის თითქმის ყველა ლიცენზირებულ მწარმოებელთან. კომპანიას მწარმოებელთა უმრავლესობისგან თავიანთი ბრენდის საქართველოში წარმომადგენლობის უფლებაც აქვს მინიჭებული.

2017 წელს კი, "ოლივანდერის მაღაზიის" მფლობელი კომპანია OllivanderGroup გახდა საქართველოს ტერიტორიაზე "ჰარი პოტერის" ექსკლუზიური ლიცენზიატი.

ოლივანდერ ჯგუფი მუდმივად ორიენტირებულია ზრდასა და განვითარებაზე. 2015 წლიდან დღემდე ჩვენი კომპანია გაფართოვდა და ჰარი პოტერის კონცეპტუალური მაღაზიის გარდა მოიცვა თითქმის ყველა ფანდომ-მიმართულება. ოლივანდერ ჯგუფი საფლაგმანო ბრენდის - "ოლივანდერის მაღაზიის" გარდა ბაზარზე კიდევ 3 ბრენდით ოპერირებს. ესენია მარველის, დისი კომიქსის, დისნეის და სხვა ფილმებისა და ანიმაციების პროდუქციის რიტეილერი "სუპერგმირების მაღაზია", იაპონური ანიმეებისა და მანგების პროდუქციის რიტეილერი "მანგა მანია" და განსხვავებული და უცნაური სათამაშოების რიტეილერი "უიზლები".

OllivanderGroup-ის ოპერირების მთავარი პრინციპებს მომხმარებელზე ორიენტირებულობა და საუკეთესო სერვისის მიწოდება წარმოადგენს.